როგორ გავიმაგროთ სახსრები და კუნთები მარტივად?

აკონტროლეთ წონა – რაც მეტია სხეულის წონა, მით მეტია დატვირთვა სახსრებზე
დგომისას ზურგი სწორად დაიჭირეთ – სწორი პოზა იცავს კისრის, ზურგის, მენჯ-ბარძაყის და მუხლის სახსრებს
ისეთი სამუშაოს შესრულების დროს, რომელის მოითხოვს სხეულის დახრას, მოიხარეთ მუხლებში და არა წელში
პასიური დასვენება ხშირად შეცვალეთ აქტიურით
ბევრი იმოძრავეთ – ვარჯიში ავითარებს და ამაგრებს კუნთებს, ძლიერი კუნთები კი იცავენ სახსრებს

გთავაზობთ რამდენიმე ვარჯიშს სახსრების და კუნთების გასამაგრებლად.
სასურველია ივარჯიშოთ ყოველდღე 10-15 წუთი,
თითოეული ვარჯიში გააკეთეთ მინიმუმ 10-ჯერ

1x
  • დადექით სკამთან, მოიხარეთ მუხლებში და ოდნავ ჩაჯექით,  დაუბრუნდით საწყის პოზიციას
2
  • დადექით სკამთან, უკან გამართული ფეხი ამოძრავეთ ზევით-ქვევით, ისე რომ არ შეეხოთ იატაკს. იგივე გააკეთეთ მეორე ფეხით
3
  • დადექით სკამთან გვერდულად, აწიეთ მუხლში მოხრილი ფეხი და ისევ დაუშვით. იგივე გააკეთეთ მეორე ფეხით
4
  • დადექით სკამთან , განზე  გამართული ფეხი ამოძრავეთ ზევით-ქვევით, ისე რომ არ შეეხოთ იატაკს. იგივე გააკეთეთ მეორე ფეხით
5
  • დაწექით ზურგზე, ხელები შემოიწყვეთ თავქვეშ და გააკეთეთ ვარჯიში სურათის მიხედვით
6
  • დაწექით ზურგზე, ფეხები მუხლებში მოხარეთ, წამოწიეთ ტანი ისე, რომ ხელები და თავი იატაკს არ მოაშოროთ, დაუბრუნდით საწყის პოზიციას
7
  • დაწექით ზურგზე, ფეხები მუხლებში მოხარეთ. წამოწიეთ თავი, შემდეგ ტანი ისე, რომ ფეხები არ მოაშოროთ იატაკს
8
  • დაწექით გვერდზე, მოხარეთ ფეხები მუხლებში, აწიეთ ფეხი ისე რომ მუხლში არ გაშალოთ, მეორე ფეხი არ მოაშოროთ იატაკს. იგივე ვარჯიში გააკეთეთ მეორე გვერდზე
9
  • დაწექით გვერდზე, იატაკზე დაყრდნობილი ფეხი მოხარეთ მუხლში, მეორე ფეხი გაშალეთ და გააკეთეთ მოზიდვა და განზიდვა. იგივე ვარჯიში გააკეთეთ მეორე გვერდზე
10
  • დადექით მუხლებზე, დაეყრდენით ხელებს და გააკეთეთ წელის მოძრაობები, ისე როგორც სურათზეა
11
  • დადექით მუხლებზე, დაეყრდენით ხელებს, აწიეთ და გაშალეთ ჯერ მარცხენა ფეხი და მარჯვენა ხელი, შემდეგ – მარჯვენა ფეხი და მარცხენა ხელი

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *